Felix Gilman ag léamh óna úrscéal The Half-Made World
Chríochnaigh mé an leabhar seo ar m' iPad aréir agus mé ag eitilt abhaile ó Mississippi. Bhain mé an-sult as. Úrscéal fantaisíochta, saghas steam punk diostóipeach, atá ann. Tá sé thar a bheith cliste agus dea-scríofa. Níl aon rud Éireannach ná “Ceilteach” ann. Baineadh geit asam mar sin nuair a léigh mé ainm an charachtair seo:
“An féidir é?” a dúirt mé liom féin. Cé nach raibh sé an-choitianta riamh mar ainm, bhí Cú Choigcríche (nó Cúcoigriche, etc.) ar dhuine de na Ceithre Máistrí, Cúcoigchriche Ó Cléirigh. An chiall atá leis an ainm seo, ar ndóigh, ná “hound of the border”.
Síniú Chúcoigchriche Ó Cléirigh
(an ceathrú ceann)
Measaim go bhfuil an ceart agat, Dennis.
ReplyDeleteChuir mé tweet chuig an údar inniu tar éis dom an mhír seo a scríobh. Fuair mé dhá fhreagra uaidh:
ReplyDeleteyes, though I no longer clearly recall why
agus
good catch
Ba ea, cinnte. Géar súil an ghaelscoláire!
ReplyDelete